Парагвай дарвозабони жаҳон чемпионатидаги қаҳрамонликларидан сўнг Европага келяпти

Франциянинг «Лилль» клуби Парагвай терма жамоаси дарвозабони Орландо Хилни Аргентина гранди «Сан-Лоренсо»дан сотиб олиш бўйича келишувга эришди.

Жанубий Америка трансфер бозори бўйича мутахассис, журналист Сесар Луис Мерлонинг маълум қилишича, француз клуби трансфер учун 3,6 миллион евро тўлашга рози бўлган. Шунингдек, «Сан-Лоренсо» дарвозабон келажакда бошқа жамоага сотилса, унинг трансфери суммасидан 50 фоиз улуш олади.

26 ёшли парагвайлик посбоннинг шахсий шартномаси шартлари томонлар ўртасида келишиб олинган. Маълумотларга кўра, унинг «Лилль»га олиб келинишига асосий ташаббускор клубнинг италиялик мураббийи Давиде Анчелотти бўлган.

Орландо Хиль жаҳон чемпионатида Парагвай терма жамоаси таркибида ўзини кўрсата олди. Унинг ишончли ўйини туфайли жамоа 1/8 финалгача етиб борди. 1/16 финалда парагвайликлар сенсация қайд этиб, Германия терма жамоасини мағлуб этди: асосий ва қўшимча вақт 1:1 ҳисобида якунланди, пенальтилар сериясида эса Парагвай 4:3 ҳисобида устун келди.