Паралимпия. Янги номлар, янги истеъдодлар кашф этилди!

Республика Олимпия ва Паралимпия спорт турларига тайёрлаш маркази мезбонлигида ўтган пара сузиш бўйича Ўзбекистон кубоги ўз якунига етди.

Мамлакатимизнинг турли ҳудудларидан ташриф буюрган 150 нафарга яқин спортчи иштирок этган мусобақа қизғин ва муросасиз беллашувларга бой бўлди ва унда янги номлар, янги истеъдодлар кашф этилди.

Ўзбекистон кубогининг тантанали тақдирлаш маросимида Ўзбекистон Миллий паралимпия қўмитаси раиси ўринбосари О.Эргашев ҳамда Республика Олимпия ва Паралимпия спорт турларига тайёрлаш маркази директори А.Мамадалиев иштирок этди.

Якунда ғолиб ва совриндор бўлган спортчилар ташкилотчилар томонидан медаль ҳамда махсус диплом билан тақдирланди.