Париж-2024: Олтин ва бронза бизники бўлди!

Ҳозиргина пара енгил атлетиканинг эркаклар ўртасида F37 классида ядро улоқтириш дастурида финал баҳслари якунланди. Биз учун аҳамиятлиси, ушбу йўналишда олтин ва бронза медалларни икки нафар спортчимиз – Қудратуллахон Маъруфхўжаев ҳамда Толиббой Йўлдошев қўлга киритди.

Қудратуллахон Маъруфхўжаев 16.37 метр натижа билан чемпионликни тантана қилган бўлса, 15.24 метр натижа қайд этган Толиббой Йўлдошев бронза медалга сазовор бўлди.