Пауло Коста Хамзат Чимаев билан жанг қилиши учун шартларини маълум қилди

UFC ўрта вазн тоифаси вакили бразилиялик Пауло Коста (14-2) Абу-Дабида Хамзат Чимаев(12-0)билан жанг қилиши учун шартлар қўймоқда.

"Хамзат Чимаев билан жанг бўлади, деб ўйлайман. Назаримда улар октябрда Абу-Дабида жанг қилишмоқчи. Аммо мен учун ярим йил кутиш муаммо... Уларнинг олдинроқ ўтказиш нияти йўқ, чунки катта жанглар Абу-Даби учун керак. Унга қадар эса менга жанг ташкил қилиб беришларини хоҳлайман. Масалан, июнда ёки бу танаффус учун менга тўлов қилишсин"- деди Коста.

Эслатиб ўтамиз, Коста сўнги жангини "UFC 278" турнирида ўтказиб, ғалаба қозонган эди.