"Пахтакор" - "Навбаҳор": Матнли трансляция

Ўзбекистон Суперлигаси 4-туридан ўрин олган "Пахтакор" - "Навбаҳор" учрашуви бошланди. Қуйида ушбу ўйиндан матнли трансляция эътиборингизга ҳавола этилади.

• 90+5'
  

  Учрашув якунланди. "Пахтакор" ўз уйида чемпионлик учун катта қадам ташлади!

• 90+4'

  Ягона бўлиб турган гол муаллифи Черан ҳимояда ҳам шерикларига анча ёрдам бермоқда.

• 90+3'

  Бабаян шогирдлари сўнгги кучини тўплаб ҳужумга отилмоқда.

• 90+2'

  Турғунбоев ва Эркинов ўрнига Аъзамов ҳамда Рашидов ўйинга қўшилди.

• 90'
  

  Ўйиннинг асосий вақтига 4 дақиқа қўшилди.

• 89'
  

  Ҳакамга билдирилган эътироз учун Сайфиев огоҳлантирилди.

• 88'

  Катта тезлик намойиш этган Ғанихонов мухлислар олқишига сазовор бўлди, фақат шу.

• 87'
  

  Иброҳим Ғанихонов огоҳлантирилди.

• 86'
  

  Бабаяндан "юриш": Кенжабоев ва Ғанихонов ўйинга қўшилди. Улар Марушич ҳамда Болтабоевни алмаштирди.

• 85'
  

  "Навбаҳор"дан Ҳошимов огоҳлантирилди.

• 85'

  Голдан руҳланган "шерлар" фаолликни давом эттирмоқда.

• 83'
  

  ГОООООЛ! "Пахтакор" ҳисобни очди!

  Шаркичнинг ўта қулай узатмасидан сўнг Черан кучли зарба билан дарвозани ишғол этди.

• 82'

  Нурилло Тўхтасиновнинг ноўрин берган зарбаси ноаниқ кетди. 

• 81'

  Ҳошимов жарима майдони ичига оширилган тўпни қайтарди. Унинг ортида рақибнинг икки футболчиси турганди.

• 80'
  

  Оливер Шаркич ўз ўрнини Миржаҳон Мираҳмадовга бўшатиб берди.

• 79'

  Марушич жарима майдонига ёриб кирди, бироқ дарвозага зарба йўллай олмади.

• 77'

  Сўнгги дақиқаларни Войнески шогирдлари фаолроқ ўтказмоқда.

• 75'
  

  Жамшид Болтабоев огоҳлантирилди.

• 74'
  

  Бурчакдан оширилган тўпни Жокич дарвоза томон йўллади. Суюнов осонлик билан тўпни ушлаб олди.

• 73'
  

  Ҳакамга жиддий эътироз билдирган Искандеров огоҳлантирилди.

• 71'

  Сайфиев билан Турғунбоев бир-бирини тушунмай ҳаракат қилгани туфайли тўп йўқотилди.

• 69'

  Ҳамробековнинг кучли зарбасидан сўнг тўп бироз юқоридан ўтиб кетди.

• 68'

  Тўп учун курашда Юсупов Турғунбоевдан чаққонроқ чиқди.

• 67'

  Эркиновнинг жарима майдонига оширган тўпини "шерлар"дан ҳеч ким дарвозага йўллай олмайди.

• 65'
  

  "Навбаҳор"да Аҳмедов ўрнига Тўхтасинов, Григалашвили ўрнига Собиржонов туширилди.

• 63'

  Искандеровнинг зарбаси хавфли, аммо бироз ноаниқ кетди.

• 61'
  

  Турғунбоевнинг зарбасидан сўнг дарвозабон тўпни қайтарди, Эркиновнинг такрорий уринишига аниқлик етишмади.

• 60'

  ЙЎҚ! Шукуруллаев пенальти йўқлигини билдирди.

• 59'

  Ҳакам Сайфиев йиқилган вазиятни ўз кўзи билан кўриш учун ВАР экрани томон юрди.

• 58'

  Болтабоевнинг ўткир бурчакдан йўллаган зарбасини дарвозабон эгаллаб олди.

• 57'

  Фаррух Сайфиев жарима майдони ичида йиқилиб тушди. Ҳакам унга ўрнидан туриши кераклигини айтди.

• 55'

  Йован Жокичнинг узоқ масофадан берган зарбаси ноаниқ кетди.

• 54'

  Учрашувда кескинлик ортмоқда. Мухлислар ҳам фаоллашди.

• 52'

  Мираҳмадов икки рақиб қаршисида йиқилиб тушди ва тўпни йўқотди.

• 50'

  Азиз Турғунбоевнинг олис масофадан берган зарбаси ноаниқ кетди.

• 50'

  "Шерлар" иккинчи бўлимни ҳам нисбатан фаолроқ ўтказмоқда.

• 48'
  

  Сардор Собирхўжаевга тиббий ёрдам кўрсатилмоқда.

• 46'
  

  Иккинчи таймга старт берилди.

• 46'

  Футболчилар майдонга қайтди. Биз ҳам қайтамиз!

• 45+1'
  

  Ҳакам биринчи таймга вақт қўшиб бермади. Танаффус!

• 45+1'

  Азим Аҳмедовнинг жаримадан йўллаган зарбаси ноаниқ кетди.

• 44'

  Сардор Собирхўжаев уриниши нониқ кетди.

• 43'
  

  Черан тўпни дарвозанинг юқори бурчагига оҳиста йўллади. Юсупов ўз ўрнида!

• 42'

  Сайфиевнинг жарима майдонига оширган тўпи ҳаводаёқ майдонни тарк этди.

• 40'

  Жарима майдонидан узоқ бўлмаган ҳудудда Эркинов қоида бузиш эвазига тўхтатилди. "Пахтакор"да стандарт вазият.

• 39'

  Черан Ҳошимовга нисбатан қоида бузди. Давронга тиббий ёрдам керак.

• 37'

  Бабаян шогирдлари прессинг уюштирмоқда.

• 35'

  Алижонов Алижоновга ярашмайдиган узатма туфайли тўп йўқотилишига сабаб бўлди.

• 34'

  Турғунбоев тўпни ушлаб турган Юсуповга ҳалал беришга ҳаракат қилди. Рефери ўйинни тўхтатиб, уни оғзаки огоҳлантирди.

• 32'

  Черан дарвозага яқин нуқтада қулай имкониятга эга бўлди. Аммо унинг бош билан йўллаган зарбаси ноаниқ кетди.

• 31'

  Тўп ҳамон "шерлар" назорати остида. Меҳмонлар қарши ҳужумларни кутмоқда.

• 29'

  Даврон Ҳошимов бироз қўполроқ ҳаракат қиляпти. Ҳакам кейинги қоида бузарлик карточкага сабаб бўлишини тушунтирди.

• 27'

  Мезбонлар рақибга қараганда анча тартибли ҳаракат қиляпти.

• 25'

  Бу сафар Турғунбоев ўта ноаниқ зарба йўллади.

• 23'

  Алижоновнинг олис масофадан йўллаган зарбасига аниқлик етишмади.

• 21'

  "Пахтакор"нинг қанотлари анча фаол ҳаракат қилмоқда. Фақатгина ҳужумларни якунлайдиган футболчи топилмаяпти.

• 19'

  Назорат Войнески шогирдларида. Томонлар эҳтиёткорликни асосий планга чиқарди.

• 17'

  Ҳошимов ва Турғунбоев ўзаро тортишиб кетди. Бундан ҳолат кузатилиши аниқ эди.

• 15'

  Ўйин қарама-қарши ҳужумлар остида давом этмоқда.

• 13'

  Болтабоевнинг жарима майдони ташқарисидан берган зарбаси ноаниқ кетди.

• 12'

  Мираҳмадовнинг зарбаси анча кучсиз чиқди. Юсупов осонлик билан уни бартараф этди.

• 11'

  Айни дақиқаларга келиб тўп назорати наманганликлар томонга ўтди.

• 9'

  Искандеровнинг зарбасидан кейин тўп жонли девордан ўтмади.

• 8'

  Григалашвили жарима майдони остонасида йиқитилди. Меҳмонларда стандарт вазият.

• 6'

  Бабаян шогирдлари рақибни агрессив кутиб олмоқда.

• 5'

  Ҳожимат бу сафар жарима майдонига тўп узатди. Ҳимоячилар яхши ҳаракат қилди.

• 3'
  

  Қанотдан марказга юрган Эркиновнинг зарбасини дарвозабон қайтарди.

• 2'

  Майдон эгалари илк сониялардан тўп назоратини қўлга олмоқда.

• 1'
  

  Ўйин бошланди!

• 0'

  Ҳакамлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. Бугунги учрашувни бевосита кузатиш учун стадионга ҳар икки жамоадан кўплаб мухлислар етиб келган!