"Пахтакор" - "Навбаҳор" ўйини чипталари ҳақида муҳим маълумот
Суперлиганинг 4-турида "Пахтакор" ўз майдонида "Навбаҳор"ни қабул қилади. Клуб матбуот хизматининг маълум қилишича, ушбу ўйинига чипталар сотуви давом этмоқда.
Қизиқарли беллашувни "Пахтакор" стадионидан кузатишни истаган мухлислар чипталарни "Пахтакор" стадиони кассаси (Алишер Навоий кинотеатри тарафда), "Самарқанд Дарвоза" савдо-кўнгилочар мажмуаси, "Ҳумо" аренаси кассаларидан, шунингдек, Iticket.uz сайтидан онлайн тарзда харид қилишлари мумкин. Чипталар онлайн сотиб олинганда уларни қоғозга чоп этиш шарт эмас, чиптанинг электрон вариантини стадионга кириш эшигида электрон қурилмада (телефон, планшет) кўрсатиш кифоя. Ўйин 1 апрель куни соат 19:00да бошланади. Чипта нархлари оддий секторлар учун 30 минг сўм, CIP секторлар учун 100 минг сўм қилиб белгиланган. Беллашув танаффус пайтида чипта сотиб олган мухлислар ўртасида ютуқли ўйин ўтказилади ва унда турли қимматбаҳо совғалар ютиб олиш имкониятига эга бўласиз.
"Навбаҳор" ишқибозларига чипталарни меҳмонлар мухлислари учун мўлжалланган 17-23 секторларга харид қилиш тавсия этилади.
Фикрлар