"Пахтакор" - "Шаҳр Ходро" учрашувининг ҳакамлари маълум қилинди

Осиё Чемпионлар лигаси 2-турида "Пахтакор" ўйинида ишлайдиган расмийлар номи маълум бўлди. Бу ҳақда клуб матбуот хизмати хабар берди.

Ўйинни шри-ланкалик Дилан Перера бошқариб боради. Ҳозиргача ушбу рефери "Пахтакор" иштирокидаги беллашувларда ишламаган. Унга Гедара Палитха ва Санжива Премалал қанотларда ёрдам беришади. Япониялик Тору Камикава ҳакамлар назоратчиси вазифасини бажарса, кореялик Жан Хо Кван ўйин комиссари сифатида фаолият кўрсатади.

"ПАХТАКОР" - "ШАҲР ХОДРО"

Ҳакамлар: Дилан Перера, Гедара Палитха, Санжива Премалал, Нивон Робеш (барчаси Шри-Ланкадан).

Ҳакамлар назоратчиси: Тору Камикава (Япония).

Комиссар: Жан Хо Кван (Корея).