"Пахтакор-2004" Баҳодир Иброҳимов хотира турнири ярим финалида

Шу кунларда Тошкентда август кунлари спорт устаси Баҳодир Иброҳимов хотирасига бағишланган мусобақа бўлиб ўтмоқда. Бу ҳақда "Пахтакор" матбуот хизмати хабар бермоқда.

Олим Шокиров бошчилигида турнирда иштирок этаётган "Пахтакор" тарбияланувчилари гуруҳ босқичида "Шўрчи"ни 10:0, "Ёшлик" Жиззахни 5:0 ва Марғилоннинг БЎСМ-1 жамоалари 6:1 ҳисобларида доғда қолдиришди.

Эртага ярим финалда ёш "шерлар" Чиноз футбол мактаби жамоасига қарши ЎФФ майдонида ўйнашади. Учрашув соат 10:00да бошланади.