"Пахтакор" "Ал Айн"ни неча марта ютган?

19 сентябрь куни "Пахтакор" Чемпионлар Лигаси 1-турида БААнинг "Ал Айн" жамоасини қабул қилади.

Ушбу жамоага қарши "Шерлар" 4 марта тўқнаш келишган. 2010 йил Ал Айнда 1:0, Тошкентда 3:2 ҳисобида ғалабага эришилган. 2015 йил эса Тошкентда рақиб 1:0 ҳисобида зафар қучган бўлса, меҳмонда 1:1 натижаси қайд этилган. Ўзбек клубларидан фақат "Пахтакор" "Ал Айн"ни мағлуб этишнинг уддасидан чиққан.

ОЧЛ учун "Ал Айн" жами 13 нафар легионерни рўйхатдан ўтказган. Жамоани голландиялик мутахассис Альфред Шрёдер бошқармоқда. У жорий мавсумдан ушбу клубда ишга киришди. Бунгача охирги йилларда "Барселона"да Рональд Куманга ёрдам берган, кейин "Брюгге" ва "Аякс"да бош мураббий бўлган.

"Пахтакор" матбуот хизмати.