"Пахтакор" легионери бошқа клуб билан шартнома имзолади

"Пахтакор" ҳимоячиси Илия Мартинович фаолиятини бошқа чемпионатда давом эттиради.

Футболчи Босния ва Герцеговина чемпионати вакили "Сараево" клуби таркибига бориб қўшилди. Бу ҳақда жамоа матбуот хизмати хабар тарқатди. У тошкентликлар сафига июль ойида Украинанинг "Черноморец"идан келганди.

28 ёшли Илия "шерлар" либосида 7 учрашувда майдонга тушиб, Ўзбекистон Суперлигаси чемпионлигини қўлга киритган.