"Пахтакор" таътилга чиқди

2021 йилги мавсумни якунлаган "Пахтакор" жамоаси аъзолари 5 январгача таътилга чиқди. Бу ҳақда клуб матбуот хизмати хабар тарқатди.

Хабарда айтилишича, жамоа келгуси мавсумга тайёргарликни 5 январдан Тошкентда бошлайди. Миллий терма жамоанинг январдаги йиғини сабабли хорижда йиғин фақат февраль ойида ўтказилиши мумкин.

Эслатиб ўтамиз, якунига етган мавсумда "шерлар" Ўзбекистон чемпионига айланиб, Суперкубокни қўлга киритишди.