"Пахтакор" ва "Қизилқум" ўртасидаги энг йирик ҳисоб ёдингиздами? (превью)

"Пахтакор" Суперлиганинг 18-турида Навоийда "Қизилқум" меҳмони бўлади.

Чемпионат доирасида жамоалар 47 учрашувда майдонга тушишган. Ўзаро ўйинлар бўйича устунлик яққол "шерлар" тарафида. 40 баҳсда зафар қучган "Пахтакор" 6 бор рақиб билан дуранг ўйнаган ва бир марта имкониятни бой берган. "Қизилқум" дарвозасига 133 гол урилиб, 27 тўп ўтказиб юборилган.

Навоийдаги 23 учрашувнинг бирортасида "шерлар" мағлубиятга учрамаган. Меҳмонда 19 ғалаба ва 4 дуранг натижа кузатилган. Сафардаги 8 учрашувда жамоамиз йирик ҳисобда зафар қучган. Ўтган мавсумда "Пахтакор" меҳмонда 2:0 ҳисобида ғолиб бўлган эди.

Бу жамоаларнинг 2007 йил Навоийда ўтган беллашувида Ўзбекистон олий лигаси тарихидаги энг йирик натижа қайд этилган. Ўшанда тошкентликлар мезбонлар устидан 11:0 ҳисобида зафар қучишган. Ўшанда "Пахтакор" ҳозиргача рекорд саналган йирик ғалабани қўлга киритган.

Баҳсни меҳмонлардан дисквалификация туфайли Муҳаммадқодир Ҳамралиев, мезбонлардан эса Ифеанйи Ифеанйи ўтказиб юборади.

Эслатиб ўтамиз, "Қизилқум" ва "Пахтакор" ўртасидаги учрашув 29 август, сейшанба куни соат 19:30да "Ёшлар" спорт мажмуаси стадионида бошланади.