“Пахтакор”га гол урган футболчи айнан Шота Арвеладзе жамоасига ўтмоқда

“Машъал” футболчиси Шерзод Темиров Тошкентнинг “Пахтакор” клубига трансфер қилинди. Бу ҳақда муборакликлар матбуот хизмати хабар берди.

Манбанинг маълум қилишича, айни дамда Темиров тиббий кўрикдан ўтмоқда. Ярим ҳимоячи бунга қадар “Насаф”, “Шўртан” клубларида тўп тепган. У “Машъал”га ушбу мавсумда бошида келиб қўшилган эди.

Шерзод Темиров “газчилар” таркибида 24 учрашувда майдонга тушиб, 1815 дақиқа ҳаракат қилган. Унинг ҳисобида битта гол бор. Ўша голни айнан “Пахтакор” жамоасига урган.