"Пахтакор"га ютказган "Ал-Таъавун" эронликларни аяб ўтирмади

Осиё чемпионлар лигаси гуруҳ босқич 3-туридан ўрин олган "Ал-Таъавун" - "Сепахон" учрашуви якунига етди. Унда саудияликлар йирик 3:0 ҳисобида рақибдан устун келди. 

Номинал мезбонлар сафида Наваф Субҳи, Ёзиб Бакр ҳамда Зе Луиш гол уришга муваффақ бўлди. 

Шу тариқа, "Ал-Таъавун" очколари сонини 6 тага етказиб олди ва гуруҳ пешқадамига айланди. Эронликлар ҳисобида ҳозирча 3 очко мавжуд.