"Пахтакор"нинг икки ҳимоячиси ОЧЛда энг зўр бўлиш учун даъвогар
Осиё Чемпионлар Лигаси ғарб минтақаси клублари орасида мусобақанинг ортда қолган ўйинларининг энг яхши ҳимоячиларини саралаш учун сўровнома бошланди. Қувонарлиси, ундан ҳамюртларимиз Ҳожиакбар Aлижонов ҳамда Фарруҳ Сайфиев ўрин олди.
Ҳожиакбар Aлижонов (Пахтакор)
"Пахтакор" ўзбек жамоалари орасида 2009 йилдан бери чорак финалга етиб келиб, энг яхши натижалардан бирини қайд этди. Уларнинг ижрочиларидан бири Ҳожиакбар Aлижонов бўлди. Тошкентликларнинг кучли саккизликка киришига ҳимоячи ўзининг ажойиб ўйинлари билан муносиб ҳисса қўшди. Унинг статистикаси:
12 бор тўп олиб қўйиш;
33 дуэлда ғалаба қозонган;
6 та вазият яратиб, 1 ассист муаллифига айланган.
Фарруҳ Сайфиев (Пахтакор)
Фарруҳ Сайфиев аксарият замонавий қанот ҳимоячиларида бўлгани каби, ҳар икки қанотда сифатли ўйин кўрсата олади. Ўзбекистонлик футболчи "Персеполис"га қарши кечган чорак финалигача 3 та ўйинда атиги 1 та гол ўтказиб юборган ва жамоадошларини 4 бор хавфли вазиятга чиқарган.
Тўп олиб қўйишдаги 63 % самарадорлик;
11 бор шерикларини бўш ҳудуд билан таъминлаган;
4 та вазият яратган.
Қуйидаги ҳавола орқали вакилларимизга овоз беришингиз мумкин:
Фикрлар