"Paxtakor"ning "Lokomotiv"ga qarshi o‘yinlardagi statistikasi qanday?

Ma’lumki, Superliga 25-turida “Paxtakor” Toshkent derbisida “Lokomotiv” bilan maydonga tushadi.

Jamoalar safida diskvalifikatsiya bilan bog‘liq yo‘qotishlar mavjud emas.

Chempionatlar tarixida jamoalar jami 35 bor to‘qnash kelishgan. Ularning 21 tasida “Paxtakor” g‘alaba qozongan. 8 bellashuvda durang natija qayd etilib, 6 marta “Lokomotiv” ustun kelgan. Raqib darvozasiga 75 ta gol urgan “Sherlar” 32 ta to‘p o‘tkazib yuborishgan. 2020 yilgi mavsumda o‘zaro o‘yinlar tarixidagi eng yirik natija kuzatilgan. O‘shanda “Paxtakor” 7:0 hisobida muvaffaqiyatga erishgan. 2005 yilgi bellashuvda esa Anvar Soliev raqib darvozasiga 5 ta to‘p kiritgan!

Safardagi o‘yinlarda ko‘rsatkichlar shunday ko‘rinish olgan: 9 g‘alaba, 5 ta durang va 3 mag‘lubiyat. Gollar bo‘yicha ustunlik “Paxtakor” foydasiga - 40:19. Mehmondagi “Paxtakor”ning eng yirik g‘alabasi - 6:1 natijasi 2005 yil kuzatilgan.

“Lokomotiv” va “Paxtakor” jamoalari o‘rtasidagi uchrashuv 20 noyabr, shanba kuni soat 16:15 da “Lokomotiv” stadionida boshlanadi.

“Paxtakor” matbuot xizmati.