Педро Милан грандларининг назарига тушиб қолди

Лондоннинг "Челси" клуби вингери Педро Родригес фаолиятини Италия А Сериясила давом эттириши мумкин.

Calciomercato нашри тарқатган хабарга кўра 31 ёшли испаниялик футболчига "Милан" ва "Интер" клубларидан қизиқишлар пайдо бўла бошлаган. "Барселона" тарбияланувчиси яқинлашиб келаётган ёзги трансферлар даврида айнан Милан клубларидан бирига кўчиб ўтиши мумкин.

Маълумот учун, Педро жорий мавсум “Челси” сафида 42та ўйинда майдонга тушди ва ўз ҳисобига 9та гол ҳамда 3та голли узатма ёздириб қўйишга эришди. Унинг “аристократлар” билан амалдаги шартномаси 2020 йилга қадар имзоланган, трансфер нархи эса 25 млн еврога баҳоланмоқда.