Педро Порро «Барселона»га ўтиши ҳақидаги миш-мишларга муносабат билдирди

«Тоттенхэм» ва Испания терма жамоаси таркибида ўйнаётган ўнг қанот ҳимоячиси Педро Порро жаҳон чемпионати — 2026 даги ўйинлари ва Ламин Ямал билан биргаликда кўрсатаётган ўйини ортидан «Барселона» томонидан билдирилаётган қизиқиш ҳақида фикр билдирди.

— Сени «Тоттенхэм» билан шартномангни узайтирганингга ҳали бир ой ҳам бўлгани йўқ. Лекин жаҳон чемпионатидаги ўйининг ва Ямал билан тузган дуэтингдан сўнг «Барселона»га жуда мос тушар эдинг, деган гаплар кўпайди. Бу ҳақда нима дейсиз?

"Ҳозир мен клубимда жуда бахтлиман. Чунки улар менга ишонишди ва, менимча, муносиб бўлган шартнома узайтириш таклифини берди. «Барселона»га келсак, одамлар доим гапиради, ўз клублари учун энг яхшисини исташади. Мен эса ҳозир бутун эътиборимни терма жамоа ва «Тоттенхэм»га қаратганман. Эртага нима бўлишини кўрамиз, чунки футболда ҳеч қачон олдиндан айта олмайсан. Лекин айни дамда менинг бутун диққатим миллий жамоа, клубим ва янги шартномамда"- дея Педро Порронинг сўзларини келтиради Mundo Deportivo нашри.

Эслатиб ўтамиз, сешанба, 14 июл куни жаҳон чемпионати — 2026 ярим финалида Испания терма жамоаси Францияга қарши майдонга тушади. Учрашув Арлингтон шаҳридаги «Эй-Ти-энд-Ти» стадионида бўлиб ўтади. Ўйин бошланиш вақти — Москва вақти билан 22:00.