Пенальти тепишда Роналду зўрми ёки Месси?

40 ёшли Криштиану Роналду Португалия терма жамоаси ва “Ан-Наср” сафида гол уришни давом эттирмоқда. Саудия Арабистони чемпионатининг 26-турида португалиялик юлдуз “Ал-Ҳилол” дарвозасини икки бор ишғол қилиб, “Ан-Наср”нинг 3:1 ҳисобидаги ғалабасини таъминлади.

Роналду мезбонлар дарвозасига иккинчи тўпни пенальтидан киритди. Шу тариқа, Криштиану жаҳон футболи тарихида кўп гол уриш бўйича ўзининг рекордини янгилаб, голлари сонини 931 тага етказиб олди.

“Ан-Наср” юлдузи фаолиятида давомида 206 марта 11 метрлик нуқтага яқинлашиб, 174 марта дарвозани ишғол қилган. Бу Роналду ўзи тепган пенальтиларнинг 84,47 фоизини аниқ бажарганини кўрсатади.

Унинг ашаддий рақиби Лионель Месси пенальти тепишни кўпроқ машқ қилиши керак. Аргентиналик юлдуз 140 та зарбадан 109 тасини дарвозага аниқ жойлаган. Бу фоизлар ҳисобида 77,86 фоизга тенг.