Пенальтисиз ким кўпроқ гол урган, Роналду ёки Месси?

"Give Me Sport" мутахассислари қизиқарли рейтингларни эълон қилишда давом этмоқда. Бу сафар XXI асрнинг энг яхши тўпурарлари рейтинги тақдим этилди. Мазкур рейтингда пенальтилардан урилган голлар ҳисобга олинмади.

Биринчи ўринни 746 та гол билан Криштиану Роналду эгаллади. Португалиялик футболчи Лионель Мессидан 5 та гол кўп урган. Месси 741 та гол билан иккинчи ўринда. Бироқ, ўйин учун ўртача голлар сонини ҳисобга олганда, Месси Роналдудан юқорида туради (0,68 га 0,59).

Учинчи ўринни 609 та гол билан Роберт Левандовски эгаллади. Кейинги ўринларда Луис Суарес (529), Златан Ибрагимович (488), Карим Бензема (444), Эдин Жеко (412), Эдисон Кавани (401), Серхио Агуеро ва Самуэль Это'О (378 тадан) жой олган.

Умуман олганда, пенальтилар ҳисобга олинса, Криштиану Роналду 917 та, Лионель Месси эса 850 та гол урган.