Перес "Бенфика"ни Моуриньони "Реал"га тайинлаш нияти ҳақида хабардор қилди

"Реал" Жозе Моуриньонинг тайинланиши учун компенсация тўлашга тайёрлигини маълум қилди.

Мадрид клуби президенти Флорентино Перес "Бенфика"ни кейинги сайловларда ғалаба қозонган тақдирда 63 ёшли мураббийни тайинлаш нияти ҳақида расман хабардор қилди. Португалия клуби хабарига кўра, унинг трансфери учун "қаймоқлилар" 15 миллион евро тўлашлари керак бўлади. Тўлов келаси ҳафта амалга оширилиши кутилмоқда.

Мавсум якунланганидан кейинги дастлабки ўн кун ичида истеъфо тўлови миқдори пастроқ - 7 миллион еврони ташкил этди. Бу муддат тугади.

Ла Лиганинг ўтган мавсуми якунига кўра, "Реал" 86 очко билан 2-ўринни эгаллади. "Барселона" 94 очко билан Испания чемпиони бўлди.