Перес: Бу ўйинчини “Реал”дан йўқотинглар!

Лукас Васкес “Реал” ўйинчилари орасида катта таъсир доирасига эга бўлса-да, тажрибали футболчининг Мадрид клубидаги фаолияти якунига етиб бормоқда.

“Қироллик клуби” директор кенгашига яқин манбалардан келаётган маълумотларга қараганда, клуб хўжайини Флорентино Перес бу футболчи билан хайрлашиш борасида якуний қарорни қабул қилиб бўлган.

Ёзда 34 ёшга тўладиган ўнг қанот ҳимоячисининг шартномаси 30 июнь куни якунланади. Клуб бу футболчи билан ҳамкорликни узайтириш бўйича музокара ўтказмайди.

Карло Анчелотти бошчилигидаги мураббийлар штаби Лукас Васкесга ўзини кўрсатиши ва жисмоний тайёргарлигини яна юқори даражага  кўтариб олиши учун қўшимча имкониятлар берганига қарамай, ҳимоячи бундан фойдалана олмади.

DefensaCentral нашри жамоага “Ливерпуль”дан Трент Александер-Арнольднинг келаётгани ўнг қанотда янги футболчи пайдо бўлишини билдиради. Бу позицияга даъвогар Лукас Васкес ва дани Карвахаль ўзидан анча ёш бўлган англиялик ҳимоячи билан рақобатлаша олмайди.

Лукас нинг ўзи вазиятни тушуниб турибди ва ҳар таклифни ўрганиб чиқишга тайёрлигини билдирган. Унга Испаниянинг ўзидан “Мальорка” ва “Эспаньол”, Саудия Арабистони ва MLS клублари қизиқиш билдиряпти.