Перес Ла Лигага англиялик ҳакамларни олиб келмоқчи

"Реал" президенти лавозимини эгаллаб турган Флорентино Перес Испания футболида ҳакамлар савиясини паст деб ҳисоблайди. Уни ошириш учун Перес Англиядан ҳакамларни Испанияга жалб қилишни хоҳламоқда. Бу ҳақда "Transfer News Live" нашри "The Telegraph"га таяниб хабар бермоқда.

Шуни таъкидлаш жоизки, "Реал" мунтазам равишда ҳакамлик қарорларидан норози эканлигини билдиради. Одатда, клуб ўз норозилигини расмий клуб канали орқали ифодалайди, у ерда ҳакамларнинг муайян қарорларини таҳлил қилувчи видеолар эълон қилинади.

"Қироллик клуби" Ла Лига доирасидаги навбатдаги ўйинни 2 феврал куни "Эспаньол"га қарши меҳмонда ўтказади. Ҳозирда мадридликлар турнир жадвалида биринчи ўринни эгаллаб туришибди.