Перес "Реал" мухлисларининг умидини пучга чиқарди
Уларни сотиб олишга пул йўқ.
"Реал" президенти Флорентино Перес, Европа Суперлигасидан тушадиган даромад йўқлиги сабаб, бу ёз ПСЖ ҳужумчиси Килиан Мбаппе ва "Боруссия" Дортмунд ҳужумчиси Эрлинг Холандни сотиб олиш имконсизлигини тан олди.
“Суперлигасиз Мбаппе ва Холандни сотиб олишнинг иложи йўқ. Бу нафақат "Реал" га, балки бошқа ҳар қандай клубга ҳам тегишли”, - деди Перес.
Суперлигада иштирок этишга розилик билдирган 12 та клубга ташкилотчилар томонидан катта маблағ ваъда қилинган эди. Гап 100 миллиондан 350 миллион еврогача бўлган маблағ ҳақида кетмоқда.
22 ёшли Мбаппенинг бозор нархи 160 миллион еврога, 20 ёшли Холанднинг нархи 110 миллионга баҳоланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар