Перес "Реал"даги ютуқларини баҳолади: "Клуб қиймати 10 миллиард евро"

Флорентино Перес "Реал" президенти сифатидаги фаолияти давомида эришилган ютуқлар ҳақида фикр билдирди.

Испаниялик раҳбар 2000–2006 йиллар давомида клубни бошқарган, 2009 йилдан эса яна қайтиб келиб, ҳозиргача ушбу лавозимни эгаллаб келмоқда.

"2000 йилда биринчи марта "Реал"га келганимда, клуб футболчилар маошини тўлашга қодир эмас эди. Ҳозир эса "Реал"нинг қиймати 10 миллиард евро деб баҳоланмоқда", — деди Перес "Madrid Zone" манбасига кўра.

Маълумот учун, 7 июнь куни клубда президентлик сайловлари бўлиб ўтади. Унда Флорентино Переснинг ягона рақиби Энрике Рикельме бўлади, у Пересдан 42 ёш кичик ҳисобланади.