Перес “Реал”нинг ёзги трансфер ойнасидаги режалари ҳақида гапирди

Мадриднинг “Реал” клуби президенти Флорентино Перес “қироллик клуби”нинг ёзги трансферлар ойнаси пайтидаги режалари билан ўртоқлашди.
Переснинг айтишича, ҳозирча "қаймоқранглилар" янги ўйинчиларни сотиб олишни режалаштиргани йўқ.

“Ҳозирча бошқа трансферларни амалга ошириш ҳақида ўйлаганимиз йўқ. Аммо аниқ бир нарса дея олмайман. Ёз узоқ ва биз ўзимиз учун керакли бўлган футболчиларнинг ўйинини кузатмоқдамиз”, деди Перес “El Chiringuito” нашрига берган интервьюсида.

Маълумот ўрнида, жорий ёзда мадридликлар “Монако” ярим ҳимоячиси Орельен Тчуаменини 100 миллион евро эвазига харид қилди. Шунингдек, “Челси” ҳимоячиси Антонио Рюдигерни ҳам эркин агент мақомида ўз сафига қўшиб олди.