Перес Винисиус ўрнига "Сити" юлдузини олиб келади

"Реал Мадрид" Винисиус Жуниор кетган тақдирда Эрлинг Холандни ўз сафига қўшиб олишга ҳаракат қилади. Бу ҳақда "The Athletic" нашри хабар бермоқда.

Манба маълумотларига кўра, Эрлинг "Сити" билан шартномасини 2034 йилгача узайтирганига қарамай, бразилиялик футболчи кетадиган бўлса, "Реал" президенти Флорентино Перес учун Холанднинг трансфери асосий мақсадига айланади.

Аввалроқ Винисиус Саудия Арабистонининг таклифи уни ўзига жалб қилаётганини маълум қилгани ҳақидаги хабарлар тарқалганди. Бундан ташқари, вингернинг атрофидагилар "Реал" билан шартномани узайтириш бўйича келишувни рад этмоқда.

Қайд этилишича, Холанднинг "Манчестер Сити"га ўтишидан олдин ҳам унга "Реал" қизиқиш билдирган ва Перес ҳамон норвегиялик футболчининг ашаддий мухлиси бўлиб қолмоқда.