Перишич собиқ жамоасига қайтиши мумкин

Ярим ҳимоячи Иван Перишич Хорватияга қайтишга яқин турибди. Журналист Жанлука ди Марционинг ўз сайтида ёзишича, 34 ёшли футболчи фаолиятини “Хайдук”да давом эттириши кутилмоқда.

Таъкидлаш керакки, Иван айнан “Хайдук”да футболчилик фаолиятини бошлаган. Тўғри, ярим ҳимоячи бу клубнинг асосий жамоасида ўйнамаган, ўз вақтида у Франциянинг "Сошо" ёшлар жамоасига ўтган.

"Тоттенхэм" билан шартномасини бекор қилган Иван Перишич "Хайдук"га ўтиши мумкинлиги айтилмоқда. Хорватиялик юлдуз Лондон клубида бор-йўғи бир мавсум ўтказди холос.

Трансфермаркт портали талқинига кўра, Иван Перишичнинг айни дамдаги трансфер нарзи 7 миллион еврога баҳоламоқда.