"Пескара"нинг янги либоси намойиш этилди. Уни 6 ёшли болакай чизган (фото)

Италиянинг "Пескара" клуби янги либосини намойиш этди. Б Серияда иштирок этувчи ушбу жамоанинг янги либосидан клуб тимсоли дельфин, камалак ва тўлқин акс этган.

Қизиғи, "Errea" фирмаси ишлаб чиққан ушбу янги экипировка дизайнини клубнинг 6 ёшли мухлиси Луижи Д'Агостино яратган. Айнан унинг дизайни махсус танловда ғолиб чиққан.

Ушбу танлов коронавирус пандемияси вақтида мухлисларнинг вақтини мазмунли ўтказиш мақсадида ташкил этилган ва "Errea" ширкати ушбу танловда ғолиб чиққан дизайн билан либос яратишини эълон қилган эди.