Пети: "Барселона"ни Ла Лигада мағлуб этиш қийин, аммо ҳақиқий синов Европада кутиб турибди"

Каталония клубининг собиқ ярим ҳимоячиси Эммануэль Пети "Барселона"нинг мавсум олдидаги имкониятлари ҳақида фикр билдирди:

"Испанияда "Барселона"ни мағлуб этиш жуда қийин бўлади. "Реал"дан фарқли ўлароқ, улар Клублар ўртасидаги Жаҳон чемпионатида иштирок этмади ва бир неча ҳафта дам олиб, маънавий ҳамда жисмоний жиҳатдан тикланиш имконига эга бўлишди.

"Мальорка"га қарши ўйинда ҳамон ўша таниш "Барса"ни кўрдик: биринчи сафардаёқ биринчи бўлимдан кейин натижа аниқ бўлиб қолди. Ламин Ямал ажойиб ўйнади, Рафинья ҳам ёрқин чиқиш қилди. Бироқ, Чемпионлар лигасида уларга анча кучайиш талаб этилади. "Интер"га қарши мағлубият ва ҳимоядаги баъзи камчиликлар шуни кўрсатди.

Менимча, ҳали ҳам уларга бир-иккита футболчи етишмайди. Айниқса, ҳимоя чизиғини мустаҳкамлаш зарур. Чунки ўтган мавсумда айнан шу йўналишда муаммолар бор эди. Агар трансфер ёпилишигача кимнидир олишса, бу жамоага катта ёрдам бўлади. "Барса" доимо ҳужумкор футболга интилади, аммо ўтган мавсумдаги Чемпионлар лигасидан чиқиб кетиш уларга сабоқ бўлиши керак — жамоага кучли ҳимоячи зарур", — дея ўз фикрлари билан ўртоқлашди.