Пике: Бир мавсумда 15 та гол ура оламан, агар...

“Барселона” ҳимоячиси Жерар Пике “Наполи”га қарши ўйиндан сўнг ўз фикрлари билан ўртоқлашди.

Италия клубига қарши жавоб ўйинида 35 ёшли ҳимоячи рақиб дарвозасини ишғол қилди. Каталонияликлар 4:2 ҳисобида зафар қучди ва 1/8 финалга йўл олди.

“Агар ҳужумда ўйнасам, бир мавсумда 15 та гол ура олшимни ҳар доим айтганман. Аммо мени ҳимояга қўйишди, мен у ерда ҳам яхши вақт ўтказаман”, - деди испаниялик футболчи.

Пике жорий мавсум "Барселона" сафида жами 29 та ўйинда майдонга тушди ва 3 та гол урди.