Пике: "Реал"нинг бу иши ҳакамларга босим ўтказади

Испания терма жамоаси ва "Барселона" собиқ футболчиси Жерар Пике "Реал Мадрид"  томонидан Ла Лиганинг 22-туридаги "Эспаньол"га қарши ўйинда ҳакамлар ишидан норози бўлганига муносабат билдирди. Ушбу баҳсда "қаймоқранглилар" 0:1 ҳисобида мағлуб бўлишган эди.

— "Бундай ҳикояни биз аллақачон кўп маротаба бошдан кечирганмиз. 120 йилдан бери шу билан яшаймиз. Бу "Реал"нинг услуби. Улар ғалаба қозона олмаганда, бошқа механизмларни ишга солишни бошлайдилар. Бу доим шундай бўлган. Натижада ҳакамларга улкан босим ўтказилиши мумкин", — дея "Sport.es" нашри Пикенинг сўзларини келтирди.

Испания чемпионатининг 22-туридан сўнг "Реал" 49 очко жамғариб, турнир жадвалида биринчи ўринда бормоқда. Карло Анчелотти шогирдлари энг яқин таъқибчисини бир очко фарқ билан ортда қолдирмоқда.