Пике ва Альба “Реал”га қарши ўйнай олади

“Барселона” клубининг икки ҳимоячиси сафга қайтди. Хорди Альба ва Херард Пике жамоа машғулотларида иштирок этишмоқда.

Эслатиб ўтамиз, юқорида номлари келтирилган иккала ҳимоячи чемпионатнинг ўтган турида "Реал Сосьедад"га қарши ўйинда жароҳат олишган эди. Бироқ, Альба ва Пике шанба куни бўладиган “Реал”га қарши баҳсда иштирок этиши мумкин.

Маълумот учун, “Эл-классико” номи билан машҳур бўлган “Барселона” ва “Реал”нинг навбатдаги тўқнашуви 3 декабрь, шанба куни Тошкент вақти билан соат 20:15да старт олади.