Пирло истеъфога чиқарилади, агар...

“Ювентус” бош мураббийи Андреа Пирлонинг жамоадаги тақдири хавф остида қолмоқда.

Туринда чоп этиладиган La Stampa нашрининг маълум қилишича, агар “кекса синьора” А Сериянинг навбатдаги турида “Удинезе”га мағлуб бўлса, Пирло истеъфога чиқарилади. Агар ушбу ҳолат юз берса, жамоани мавсум охиригача Игор Тудор бошқариб туради.

“Ювентус” 33 турдан сўнг 66 очко тўплаган ҳолда А Серияда 4-ўринда бормоқда. Туринликлар пешқадам “Интер”дан 13 очкога ортда қолмоқда.

Андреа Пирло “Ювентус”ни 2020 йилнинг ёзида қабул қилиб олган эди. Ундан аввал жамоани Маурицио Сарри бошқарган.

Фикрлар

Фикр қолдириш учун авторизациядан ўтинг!