Pochchetino: Ertaga Keyn maydonga tushishi mumkin

«Tottenhem» bosh murabbiyi Maurisio Pochettino hujumchi Harri Keyn umumiy guruh mashg‘ulotlariga qaytganini aytdi.

Murabbiyning fikriga ko‘ra, u Chempionlar ligasidan o‘rin olgan «Real»ga qarshi o‘yinda maydonga tushishi mumkin.

«Ertaga Keyn maydonga tushishi mumkin. Bugun u mashg‘ulotlarda ishtirok etdi, biroq bu borada obdon o‘ylab ko‘rib, keyin bir qarorga kelishimiz shart.
«Real»ga qarshi o‘yinda erkin harakat qilib, kurashdan zavq olishimiz talab qilinadi. Biz eng yaxshi hislatlarimizni namoyon qilishimiz lozim», — deb Pochettino so‘zlarini keltirmoqda «Tottenhem» matbuot xizmati.

«Tottenhem» — «Real» o‘yini 2 noyabr kuni soat 00:45da boshlanadi.