Почеттино бу юлдузни ҳайдаяпти

Marca нашрининг маълум қилишича, Маурисио Почеттино келаси мавсумда Жоау Феликснинг хизматидан фойдаланмайди.

Аслида португалиялик ўйинчи январь ойида “Атлетико”дан ижарага олинганди. Клуб раҳбарияти уни тўлиқ трансфер қилишни режалаштирган. Бироқ, янги бош мураббий бу ўйинчига жой бермаслигини маълум қилди.

Жаоу Феликснинг ўзи Англия Премьер-лигаси унга маъқул келганини ва “Челси”да қолишга тайёрлигини таъкидлаган.

Жаоу Феликс “Челси” учун муваффақиятсиз якунланган мавсумнинг иккинчи ярмида барча турнирларда 18 маротаба майдонга тушиб, ўз ҳисобига учта гол ёздириб қўйди.