Почеттино “Челси” футболчисини ҳақиқий юлдузга айлантирмоқчи

The Guardian нашрининг ёзишича, “Челси”га бош мураббий этиб тайинланган Маурисио Почеттино клуб тарбияланувчиси Леви Колвиллнинг трансферини блоклади.

Жамоанинг аввалги мураббийлари ёш марказий ҳимоячига етарли даражада имконият бермаган ва у мавсумни “Брайтон”да ижарада ўтказди.

Унинг салоҳиятини юқори баҳолаган “Брайтон” мутасаддилари футболчини тўлиқ ўзига олиш учун 30 миллион фунт таклиф қилди.

“Челси” бу таклифни қабул қилмади. Янги бош мураббий Маурисио Почеттино келаси мавсум 20 ёшли Колвиллни жамоага қайтариб, ҳимоя чизиғининг етакчиси сифатида ўйнатмоқчи.

Колвиллнинг “аристократлар” билан шартномаси 2026 йилнинг ярмигача тузилган. Унинг ўзи ҳам клуб мухлислари ишончини оқлашни исташини таъкидлаяпти.