Почеттино Чемпионлар лигасида ким фаворитлигини айтди

Лондоннинг "Тоттенхэм" клуби бош мураббийи Маурисио Почеттино “Аякс”га қарши ярим финал баҳси ва жамоасининг мусобақа ғолиби бўлиш борасидаги фикрини билдириб ўтди.

“Чорак финалда нималар бўлганини инобатга олсак, ярим финалда фаворитлар йўқ. Менимча ягона фаворит бу Месси ўйнайдиган жамоа, яъни “Барселона”, - дейди аргентиналик мутахассис.

Маълумот учун, “Тоттенхэм” бугун мусобақанинг ярим финал дастлабки баҳсида ўз майдонида “Аякс”ни қабул қилади. Ушбу жамоалар ўртасидаги жавоб ўйини эса 9 май куни Амстердамда бўлиб ўтади.