Почеттино Ла Лига клубига рад жавобини берди

Мураббий Маурисио Почеттино Испания Ла Лигаси клубидан келган таклифга рад жавобини берди.

Ёздан бери ишсиз юрган ПСЖ собиқ устози “Вильярреал”дан таклиф олди, аммо у ушбу клубда ишламоқчи эмаслигини билдирди, деб хабар берди "El Larguero". "Сариқ сув ости кемаси" раҳбарияти "Астон Вилла" билан шартнома имзолаган Унаи Эмери ўрнига номзод қидирмоқда. Маурисио рад этганча, асосий фаворит Кике Сетьен бўлиб турибди. 

Эслатиб ўтамиз, аввалроқ Маурисио Почеттино Стивен Жеррардни ишдан бўшатган "Астон Вилла"да иш бошлаши билан боғлиқ миш-мишлар тарқалган эди. Тахминларга кўра, аргентиналик топ-клублардан таклиф кутмоқда.