Почеттино "Милан"да иш бошлаши мумкин

"Милан" клуби "Тоттенхэм" бош мураббийи Маурисио Почеттинонинг хизматларига жиддий қизиқиш билдира бошлади. Бу ҳақда Corriere della Sera нашри хабар бермоқда.

Юқоридаги манбаага кўра “россонерилар”  раҳбарияти мавсум якунлангач Женнаро Гаттузони ишдан бўшатиб, ўрнига айнан аргентиналик мутахассисни олиб келмоқчи.

Айтиш керакки, Почеттиннони шахсан клуб бош директори Иван Газидис "Милан"да кўрмоқчи. Гап шундаки, Газидис “россонерилар” боқарувига келгунича "Арсенал"да ишлаган ва шу сабабли ҳам у Почеттиннони жуда яхши билади.

Эслатиб ўтамиз, Почеттиннонинг “шпорлар” билан имзолаган шартномасига кўра унинг товон пули 50 млн еврони ташкил этади.