Почеттино: "Нима қилаётганимизни биламиз"

"Челси" АПЛнинг 5-турида "Борнмут" майдонига сафар уюштириб, 0:0 ҳисобида дуранг ўйнади. Ушбу баҳсдан сўнг "аристократлар" устози Маурисио Почеттино ўз фикрлари билан ўртоқлашди. 

"Тўғри, мухлисларнинг ушбу ўйиндан ҳафсаласи пир бўлди. Аммо мен хавотир олмаяпман. Сабаби, биз нима қилаётганимизни яхши биламиз. Хурсандман, дея олмайман, лекин рақобатли баҳс бўлди. Кўпроқ вазият ярата олдик. 12 та футболчимиз жароҳат олган, таркибдаги 3 дона футболчи 2 ҳафта давомида биз билан бирга бўлган".

"Вазиятларни якунлашда совуққонроқ ҳаракат қилишимиз керак. Учрашувни камида 1:0 ҳисобида ютишимиз мумкин эди", - деди аргентиналик мутахассис.