Почеттино “Реал”га олиб келадиган юлдузлар рўйхатини ошкор қилди

Айни пайтда ишсиз юрган аргентиналик мутахассис Маурисио Почетино тез орада “Реал”ни қабул қилиб олиши мумкин. “Қироллик клуби” Почеттино билан музокара олиб борган ва унинг дастлабки розилигига эришган.

Ўз навбатида, Почеттино “Реал”ни бошқарадиган бўлса, собиқ футболчиларидан бир нечтасининг трансферини талаб қилмоқда. Унга кўра, аргентиналик мутахассис Флорентино Пересдан собиқ жамоаси ҳисобланган “Тоттенхэм” юлдузлари Ҳарри Кейн ва Деле Алли, “Ювентус”дан ҳамюрти Пауло Дибалани олиб келишни сўраган.

“Қироллик клуби” раҳбарияти навбатдаги трансферлар даврида асосий нишон сифатида Килиан Мбаппе, Эрлинг Холанд ва Эдуардо Камавинга номзодларини кўрсатган эди.