Почеттино: "ВАР нимага қараяпти, тушунтириб беринглар"

ЕЧЛ 1/8 финалидан ўрин олган "Реал" - ПСЖ учрашувидан сўнг парижликлар бош мураббийи Маурисио Почеттино ўз фикрларини билдириб ўтди. Айтишича, Бенземанинг биринчи голида Доннаруммага нисбатан қўполлик ишлатилган.

"Менга қизиқ, бунақа пайтда ВАР нимага эътибор қаратди? Кимдир менга буни тушунтириб бериши керак.

Бенземанинг биринчи голида Доннаруммага нисбатан ўйин қоидаси бузилди. Бу вазиятни қайта-қайта кўриб чиқдим. 

Бундай хатоларни қабул қилиш осон эмас. Мен буни унута олмайман. Ахир фол борлигини аниқ кўрдим", - деди аргентиналик мутахассис.