Почеттино ёки Аллегри?

Мадриднинг "Реал" клуби амалдаги бош мураббий Зинедин Зидан жамоадан кетган тақдирда унинг ўрнига келиши мумкин бўлган мутахассислар номзодини кўриб чиқмоқда.

Marca нашрининг ёзишича “қироллик клуби” бу борада Маурисио Почеттино ва Массимилиано Аллегрини кўз остига олиб қўйган.

Юқоридаги манбага кўра, агар “Реал” бу мавсум Чемпионлар лигасида ғалаба қозонолмаса, раҳбарият Зиданни истеъфога чиқаради.

Айтиш керакки, юқорида номлари тилга олинган икки мутахассисни ҳам Мадридга олиб келиш осон кечмаслиги аниқ. Чунки, Почеттино Англияга қайтмоқчи, Аллегрига эса "Манчестер Юнайтед", ПСЖ ва "Ювентус" қизиқмоқда.