Погбадан яна юз ўгиришди

Франция футболининг энг ёрқин юлдузларидан ҳисобланган Поль Погба допинг можаросидан кейин машғулотларни бошлаб юборган. Баҳорда футболчига расмий учрашувларда қатнашишга рухсат берилади.

Энг катта масала – Поль Погба ўзига янги иш жойи топиши керак. Бўлиб ўтган воқеалардан кейин “Ювентус” ярим ҳимоячи билан шартномани бекор қилган.

Corriere dello Sport нашрининг маълум қилишича, Погбага “Фиорентина” жиддий қизиқиш билдираётган эди. Бироқ бу клуб раҳбарияти тезда фикрини ўзгартирди. Чунки улар Погбанинг жисмоний тайёргарлиги талаб даражасида эмас, деган хулосага келган.

Маълумки, Поль Погба допинг текшируви натижасида тўрт йилга футболдан четлатилган эди. Бироқ Спорт арбитраж суди бу муддатни 18 ойгача қисқартирди.

Энди тажрибали ярим ҳимоячи ўзига янги жамоа топса, профессионал футболчилик фаолиятини қайта тиклайди.