Полицияси МЮ юлдузини ҳақорат қилган мухлисни ҳибсга олди

Лондон полицияси 8 ноябрь куни Англия чемпионатининг 11-туридан ўрин олган "Тоттенхэм"га (2:2) қарши ўйинда "Манчестер Юнайтед" ярим ҳимоячиси Мэйсон Маунтни ҳақорат қилган 19 ёшли мухлисни қўлга олди. Бу ҳақда The Athletic хабар бермоқда.

Манбанинг маълум қилишича, мазкур мухлис ходимлардан бири унинг "қизил иблислар" футболчиси шаънига ҳақоратли сўзлар айтганини эшитганидан кейин стадиондан чиқариб юборилган. Кейин бу ходим содир бўлган воқеа ҳақида полицияга хабар берган.

Таъкидланишича, мухлис "қасддан безовта қилиш, хавотир ёки ноқулайлик туғдириш"да гумонланиб, ҳибсга олинган ва тергов якунига қадар гаров эвазига қўйиб юборилган.

Маунтнинг ўзи мухлиснинг ҳақоратли сўзларини эшитмаган.