Польшалик тўпурар топ клубга ўтмоқда

"Ювентус" клуби тез орада "Наполи" форварди Аркадиуш Миликни сотиб олиши кутилмоқда.

Mundo Deportivo нашрининг ёзишича, “кекса синьора” 26 ёшли польшалик футболчи учун неаполликларга 45 млн евро тўлайди. Айтиш керакки, Миликнинг трансферидан сўнг, “Юве” ўзининг аргентиналик форварди Гонсало Игуаин билан хайрлашади.

Милик жорий мавсум “Наполи” сафида 28 та ўйинда майдонга тушди ва 13 та гол урди. Унга туринликлардан ташқари “Атлетико”дан ҳам қизиқишлар бор.