Португалия матбуоти Ўзбекистонни хавфли рақиб деб атади

Ўзбекистон 2026 йилги жаҳон чемпионатида ўз тарихида илк бор иштирок этади. Вакилларимиз “K” гуруҳидан ўрин олди ва Португалия, Колумбия ҳамда Конго терма жамоаларига қарши баҳс олиб боради.

Португалиянинг PortuGOAL.net нашри Ўзбекистон терма жамоасининг имкониятларини баҳолаб чиқди.

Бу мақолада Ўзбекистон ҳақида айтилган асосий фикрлар қуйидагича:

Ўзбекистон илк бор Жаҳон чемпионатига чиққан Марказий Осиё давлати сифатида эътироф этилган.

Португалия ва Ўзбекистон миллий жамоалари ўртасида аввал ҳеч қачон расмий ёки ўртоқлик учрашуви бўлмагани таъкидланган.

Муаллиф "Оқ бўрилар" ҳақида шундай ёзади:

"Ўзбекистон биринчи марта ФИФА Жаҳон чемпионатида иштирок этмоқда. Улар Осиё саралаш босқичи орқали йўлланмани қўлга киритди ва турнирга чиққан биринчи Марказий Осиё мамлакатга айланди".

Шунингдек, жамоа ҳақида қуйидаги баҳо берилган:

"Оқ бўрилар энергияга тўла бўлади ва уларни йўқотадиган ҳеч нарсаси йўқ.  Осиё футболи тез суръатларда ривожланди ва ОФК саралаш босқичи аввалгидан анча рақобатбардош тус олган".

Бироқ муаллиф Португалия таркиби билан таққослаганда фарқ катта эканини ҳам қайд этган:

"Шунга қарамай, Бернарду Силва, Бруну Фернандеш ва Рубен Диаш каби футболчиларга эга Португалия ҳамда Ўзбекистон ўртасида таркиб бўйича катта тафовут мавжуд".

Шу билан бирга, Ўзбекистонни камситмаслик кераклиги таъкидланган:

"Ўзбекистоннинг гуруҳда бўлиши Португалияни хавотирга солмайди, аммо рақибни менсимаслик қимматга тушиши мумкин. Илк мундиалида босимсиз ҳаракат қилаётган жамоа баъзан муаммо туғдириши мумкин, айниқса рақиб диққатини йўқотса. Ўзбекистонни менсимаслик қимматга тушиши мумкин".