Португалиялик ҳужумчи ёзда жамоасини ўзгартирмоқчи!

Португалиялик ҳужумчи Рафаэл Леау "Милан"ни тарк этишни хоҳламоқда. Журналист Флориан Плеттенбергнинг маълумотларига кўра, италиялик клуб футболчининг бу истаги бўйича хабар топган. 
 
Таъкидланишича, "россонерилар" вингер учун камида 70 миллион евро пул олишни исташмоқда. Футболчига эса Германиянинг "Бавария" қизиқиш билдирмоқда, бироқ ҳозирча томонлар ўртасида фақат мулоқотлар ва телефон қўнғироқлари бўлган, холос. 
 
Мюнхенликлар ҳали таклиф тайёрлашга киришмаган. Клуб чап қанот ҳужумчиси ўрнига турли ўйинчиларни кўриб чиқмоқда. 
 
Маълумот ўрнида, Леау ўтган мавсумда А Сериясининг 34 та ўйинида 8 та гол урган ва 8 та голли узатма берган.