Поттер АПЛга қайтмоқчи

"Челси" билан амалдаги шартномасини бекор қилиб, ишсиз юрган Грэм Поттер мураббийликка қайтмоқчи. У "Саутгемптон" клубини бошқаришга тайёр, дея хабар бермоқда "Foot Insider" нашри. Агарда клуб унга таклиф билан чиқса, англиялик мутахассис буни рад қилмайди.

Айни дам турнир жадвалида 20-ўринда бораётган "Саутгемптон" келаси мавсумни Чемпионшипда ўтказиши мумкин. Рубен Селлес жамоани февралда қабул қилиб олди. Унинг қўл остида клуб грандлардан очко олишни эпламоқда ("Манчестер Сити" бундан мустасно). Аммо барибир муаммолар етарлича.

Поттерга "Саутгемптон"дан ташқари "Лестер", "Вест Хэм" ва "Тоттенхэм"дан ҳам таклифлар мавжуд.